C'l artìcul chè 'l è scrit in
Miranduléś |
![]() | ||
Grazie, signora Thatcher | ||
![]() McGregor e la Fitzgerald in na figùra dal film | ||
Mo gràsie, sgnōra Thatcher 1996 | ||
---|---|---|
Regìa: Mark Herman | ||
Scritōr: Mark Herman | ||
Atōr: Pete Postlethwaite • Stephen Tompkinson Ewan McGregor • Jim Carter • Tara Fitzgerald Philip Jackson • Peter Martin • Sue Johnston | ||
Müsica: Trevor Jones | ||
Léngua: Ingléś | ||
Dürä dal film: 105 minüt | ||
Nasiōṅ: Régn Unî • Stat Unî |
Grazie, signora Thatcher (Mo gràsie, sgnōra Thatcher) l'è na cumèdia dramàtica dal 1996 scrita e dirèta par Mark Herman. Al film, girâ dagnóra tut a Grimethorpe in dal South Yorkshire, òṅ di pòst più vilî da 'l punt ad vista ecunòmic dal Régn Unî, 'l è ambintâ in dal paéś imaginàri ad Grimley.
In dal 1999 al „British Film Institute“ 'l à mis la pelìcula in dla lista di sènt film britànic più bèi dal vintéśum sècul. L'à fat sù tri migliòṅ ad sterlìni dòp ès'r-an custàda dū e òt.
A séguit dla saràda dla minéra dal pòst, dòp ch'la Margaret Thatcher la gh'è andàda śò pēśa c'n i lavuradōr e i sindacàt, l'è a risć anc la banda di sunadōr ad trumbòṅ ad Grimley in dal Yorkshire, la Colliery Band, tant ch'i minadōr ch'i gh sònan dèntar i l'aṅ bèla dada par pardùda cla partìda lè. Ad dè i tōśan sè part a di siópar par far in manéra 'd tgnir avèrta la minéra ma ad dènt'r i gh'aṅ dâ a muć da cal pès anc par via dal fiàsc ch'al gh'à abû qvél dal 1984. Ad sira i s mét'n insém par pruàr i braṅ da sunàr ma i sànan che prèst i saràṅ tut a spas.
Quànd in dal grup a s śònta la sunadōra ad flicòran Gloria (Tara Fitzgerald) minga tut i èṅ cuntènt parchè chi lē, laureàda e “culét biànc”, la lavóra in dla diresiòṅ dla minéra par qvéi dla “British Coal” ch'i la vōlan srar. Anc Andy (Ewan McGregor), al sò vèć muróś, al la pénsa cumpàgna. Ma Danny (Pete Postlethwaite), al cap dla banda, minadōr in pensiòṅ e sîṅ dla Gloria, al vōl ch'i vàg'n avànti listés par rivàr a la finàl dal bandi muśicàli a la Royal Albert Hall ad Lóndra.